Fréttir

Nú lestrarátaki skólans nýlokið. Þrír hópar skólans tóku þátt, þ.e. Yngsta stig, Miðstig og Elsta stig. Einnig fékk starfsfólk að taka þátt, en aðeins sem gestir og komu ekki til greina til verðlauna. Markmið svona átaks er auka lestrarfærni nemandans ásamt því að efla áhuga á lestri góðra bóka. Þetta er m.a. gert með yndislestri á hverjum degi í a.m.k. 20 mínútur. Einstaklingsverðlaunin fékk Sólveig Björg Þórarinsdóttir (Y. st.) og las hún 465 bls. Hópverðlaunin fékk Miðstigið og lásu nemendur þar að meðaltali 155 bls.

Skólaakstri á milli Breiðdalsvíkur og Stöðvarfjarðar hefur verið aflýst á morgun þriðjudaginn 26. febrúar, vegna slæmrar veðurspár. Starfsstöðvar á Breiðdalsvík og Stöðvarfirði eru opnar og þar fer kennsla fram þó svo skólaakstur falli niður.

Þann 1. febrúar taka gildi nýjar reglur um notkun snjalltækja í grunnskólum Fjarðabyggðar. Reglurnar eru samræmdar fyrir allt sveitarfélagið og samþykktar af fræðslunefnd og bæjarstjórn.

Síðustu daga hefur loksins snjóað (að áliti nemenda). Krökkunum fannst þetta kærkomin tilbreyting og fóru m.a. að gera snjóhús.

Ágætu nemendur og foreldrar! Grunnskólastarfið hefst fimmtudaginn 3. janúar kl. 9:35. Á þeim tíma leggur skólabíllinn af stað frá Breiðdalsvík. Leikskólarnir byrja sama dag, á hefðbundnum tíma (á miðvikudeginum er skipulagsdagur og því lokað).

Í dag bauð leikskólinn á Stöðvarfirði upp á foreldrakaffi. Þar tóku allir þátt í söng og verkefnavinnu. Að lokum var boðið upp á piparkökur, skúffuköku og viðeigandi drykki.

Börnin í leikskólanum á Breiðdalsvík lýstu upp skammdegið með fallegri birtu frá kertaljósi.

Dagana 1. og 2. nóv. héldum við upp á Daga myrkurs. Margt var á dagskránni. M.a: mættu nemendur í búningum, draugasaga var lesin á bókasafninu, boðið var upp á kökur í ýmsum formum og rauða drykki úr tilraunagl

Góð ráð dýr (forfallakennsla). Í stað heimilisfræðinnar í morgun, var ákveðið að heimamenn á Breiðdalsvík skyldu sýna gestunum ærslabelginn sinn. Góð hreyfing þar.

Í byrjun september voru nemendur skólans í listagírnum. Þá voru haldnir smiðjudagar í Fjarðabyggð, sem eru hluti af BRAS - menningarhátíð barna og ungmenna á Austurlandi. Í heilan dag voru nemendur í sköpunarvinnu og má sjá afurðir þeirra m.a. við höfnina. Leiðbeinendur úr ýmsum greinum lista voru nemendum til aðstoðar.