Skólaslitin

Anna Margrét Birgisdóttir umsjónarkennari, Steinþór Snær Þrastarson skólastjóri og útskriftarnemendurnir Dalía Sif Ágústsdóttir, Margarette Björg Sveinbjörnsdóttir, Ríkey Perla Arnarsdóttir, Hrafnheiður Máney Heiðudóttir og Mörk Starradóttir. Á myndina vantar Emil Valtingojer Paták.

Skólanum var slitið í dag eftir langan og strangan vetur.

Steinþór Snær Þrastarson skólastjóri lauk þar með sínum fyrsta vetri í embætti með sóma en hann tók við því á erfiðum tímapunkti í haust.

Gurra (aka Guðrún Ármannsdóttir) kveður okkur eftir langt og farsælt starf og sömuleiðis Jónas Ólafsson sem var kallaður inn í afleysingar vegna forfalla í haust en hann þóttist þá vera sestur í helgan stein.

Eva María Sigurðadóttir skólaliði til margra ára kveður einnig og Ingibjörg Hulda yfirgefur eldhúsið.  Það er eftirsjá að báðum.

Það vantaði stóran hluta nemendahópsins í dag en við því er ekkert að gera og við þökkum öllum nemendum samstarfið í vetur og óskum útskriftarnemum til hamingju með áfangann og megi gæfan umlykja þau hvert sem þau fara.

Hérna er að finna nokkrar myndir frá skólaslitunum.