Fréttir

Tilgangur stöðu- og framvinduprófa er að draga upp sem nákvæmasta mynd af stöðu nemanda og framvindu í námi, hvar áskoranir og styrkleikar liggja svo hægt sé að mæta námslegum þörfum nemenda á árangursríkan hátt. Dagsetningar fyrirlagna í Breiðdals- og Stöðvarfjarðarskóla eru: -18. mars (stærðfræði) -25. mars (lesskilningur).

Grunn- og leikskólar í Fjarðabyggð eru opnir í dag 2. mars en þeim verður lokað í hádeginu samkvæmt nánari ákvörðun hvers skóla. Allur skólaakstur í Fjarðabyggð fellur niður mánudaginn 2. mars, vegna veðurspár.

Vegna slæmrar veðurspár, fellur allur skólakstur milli Breiðdals- og Stöðvarfjarðarskóla niður mánudaginn 2 mars. Skólahald verður eftir sem áður í heimaskólum nemenda og lýkur því kl. 12:50.

Í næstu viku er fyrirhugað að fara í skíðaferð í Oddskarð. Við horfum til mánudagsinn 16. febrúar (en gætum þurft að hnika til ef veðurspá er okkur ekki hliðholl). Skólinn greiðir fyrir rútu og lyftugjald. Nemendur greiða fyrir skíðabúnað og sjá um nestið. Sjoppa er á staðnum svo þeir sem ætla að versla þar þurfa þá að koma með pening.

Miðvikudaginn 18. febrúar er öskudagur í skólanum og öllum nemendum heimilt að koma í búningi. Einnig langar mig að minna á að þessi skóladagur er skertur og öllu skólastarfi mun ljúka kl 12:50 og ekki verður opið í frístund.

Starfsfólk heimilis og skóla heimsækir Breiðdals- og Stöðvarfjarðarskóla 11. febrúar á Breiðdalsvík

Ákveðið hefur verið að fá ráðgjafa til að greina möguleikana við þróun starfs Breiðdals- og Stöðvarfjarðarskóla næstu árin og styðja skólasamfélagið við að móta sameiginlega sýn á umgjörð skólastarfsins og væntingar til lengri tíma.