Stríð og pizza

Að sjálfsögðu fannst eitt tré sem var gott til klifurs.

Við fórum í ferðalag í dag í góða veðrinu.  

Fyrsti viðkomustaður var Stríðsárasafnið á Reyðarfirði en þar tók Pétur Sörensson á móti okkur.  Hann sýndi okkur safnið og miðlaði fróðleik um stríðsárin á Íslandi, einkum og sér í lagi á Reyðarfirði þar sem voru ríflega 300 íbúar og 3000 hermenn árið 1942.  

Næst var farið í trjásafnið í Hallormsstað en þar tók enginn á móti okkur heldur létum við nægja að skoða skóginn og fljótið.  Svo var líka djöflast aðeins eða legið í sólbaði.

Handan þjóðvegar 931 er svo staður sem kallast Grái hundurinn en þar er hægt að fara í axarkast og hringjakast.  Við létum hringjakastið duga að þessu sinni en stefnum á axir næsta vor.

Að lokum var snædd pizza á Aski á Egilsstöðum; geggjaðar vægast sagt og líklega fór enginn nemandi svangur út í rútu.  Ekki er vitað um starfsfólkið en sumir þeirra á meðal verða aldrei saddir.

Hér eru myndir af myndarlegu fólki.