Námsáætlun í heimilisfræði fyrir 5. - 7. bekk

 

Námsáætlun

 

Bekkur: 5. - 7. bekkur

Námsgrein: Heimilisfræði

Kennari: Auður Hermannsdóttir       

Tímafjöldi: 80 mínútur á viku, eftir áramót.

 

Námsgögn: Ýmis verkefni og uppskriftir frá kennara.

 

Lykilhæfni: Námsgreinin kemur inn á eftirfarandi þætti samkvæmt aðalnámskrá grunnskóla: 

            Tjáning og miðlun  

            Skapandi og gagnrýnin hugsun 

            Sjálfstæði og samvinnu  

            Nýting miðla og upplýsinga 

            Ábyrgð og mat á eigin námi.

 

 

Grunnþættir: Samkvæmt aðalnámskrá grunnskóla eru grunnþættir menntunar sex: Læsi – Sjálfbærni – Lýðræði og mannréttindi – Jafnrétti – Heilbrigði og velferð – Sköpun. Í námsgreininni er unnið með alla þessa þætti þó mismikið sé eftir árgöngum.

 

 

 

Námsþættir 

Hæfniviðmið

Kennsluhættir

Námsmat

Verklag

Við lok 7. bekkjar getur nemandi:

-          matreitt einfaldar og hollar máltíðir út frá ráðleggingum um mataræði frá embætti landlæknis,

-          unnið sjálfstætt eftir uppskriftum og notað til þess algengustu mæli- og eldhúsáhöld og skilið gildi viðeigandi frágangs,

-          greint frá helstu orsökum slysa við eldhússtörf og hvernig má koma í veg fyrir þau.

 

Kennsluhættir í heimilisfræði eru að mestu í formi sýnikennslu og verklegra æfinga. Nemendur læra að vinna bæði sjálfstætt og í hóp. Unnin eru bókleg verkefni samhliða verklegri kennslu auk sífelldrar umræðu um hugtök og heiti sem tengjast viðfangsefninu hverju sinni.

Námsmat er símat þar sem ástundun nemenda er skráð eftir hverja kennslustund. Þar er farið eftir því hversu vel nemendur fylgja fyrirmælum, vinna með öðrum, sýni sjálfstæði í vinnubrögðum og taki virkan þátt í kennslustundum.

Áherslan er á að meta ferlið en ekki eingöngu afurðina.

Leiðsagnarmat er viðhaft yfir árið þar sem nemendur fá munnlega leiðsögn um stöðu sína. Hvað sé gott og hvað sé hægt að bæta.

 

Lífshættir

Við lok 7. bekkjar getur nemandi:

-          tjáð sig um heilbrigða lífshætti eins og næringu, hreyfingu og svefn,

-          skilið og tjáð sig á einfaldan hátt um aðalatriði ráðlegginga um mataræði frá embætti landlæknis,

-          öðlist færni í hreinlæti og þrifum tengdu matreiðslu,

-          gert sér grein fyrir helstu kostnaðarliðum við heimilishald.

Umhverfi

Við lok 7. bekkjar getur nemandi:

-          sett viðfangsefni heimilisfræðinnar í einfalt samhengi við jafnrétti og sjálfbærni og áttað sig á uppruna helstu matvæla,

-          skilið mismunandi umbúðamerkingar og þekki helstu geymsluaðferðir,

-          tjáð sig um þjóðlegar íslenskar hefðir í matargerð,

-          áttað sig á gildi þess að neyta matvæla með sem minnst kolefnisspor.