Kennsluáætlun í íslensku fyrir 5. - 7. bekk

Námsáætlun

 

Bekkur: 5. - 7. bekkur

Námsgrein: Íslenska

Kennari: Anna Margrét Birgisdóttir

Tímafjöldi: 9 kennslustundir á viku.

 

Námsgögn: Málrækt 1, Ritum rétt, Mál til komið, Hólmasól í háska, Smellur, lestrarbækur við hæfi hvers og eins, ýmis lesskilningsverkefni og annað efni frá kennara. Skriftarbækur frá MMS og Góður, betri, bestur.

 

Lykilhæfni: Námsgreinin kemur inn á eftirfarandi þætti samkvæmt aðalnámskrá grunnskóla: 

  • Tjáning og miðlun.  

  • Skapandi og gagnrýnin hugsun. 

  • Sjálfstæði og samvinnu.  

  • Nýting miðla og upplýsinga.  

  • Ábyrgð og mat á eigin námi.

 

Grunnþættir: Samkvæmt aðalnámskrá grunnskóla eru grunnþættir menntunar sex: Læsi – Sjálfbærni – Lýðræði og mannréttindi – Jafnrétti – Heilbrigði og velferð – Sköpun. Í námsgreininni er unnið með alla þessa þætti.

Námsþættir  

Hæfniviðmið

Kennsluhættir

Námsmat

Talað mál, hlustun og áhorf

Nemandi geti: 

- Tjáð sig skýrt og áheyrilega og gert sér grein fyrir gildi góðrar framsagnar.

- Hlustað af athygli og beitt þekkingu sinni og reynslu til að skilja það sem sagt er og greint frá aðalatriðum.

- Átt góð samskipti, hlustað, gætt tungu sinnar og sýnt viðeigandi kurteisi.

Nemendur fá þjálfun í upplestri á margvíslegum texta og eru hvattir til að sýna virðingu í samskiptum.

Námsmat felst í símati. Framkoma og tjáning metin. Fulltrúi skólans tekur þátt í Stóru upplestrarkeppninni í 7. bekk að vori.

Lestur og bókmenntir

Nemandi geti: 

- Lesið texta við hæfi með góðum hraða og af skilningi, lagt mat á hann og túlkað.

 - Notað þekkingu og reynslu ásamt ríkulegum orðaforða við lestur og skilning á texta.

- Lesið sér til ánægju og fróðleiks og gert öðrum grein fyrir þeim áhrifum sem texti hefur á hann.

- Lesið gamlar og nýjar bókmenntir, þar á meðal þjóðsögur, ljóð og bókmenntir ætlaðar börnum og unglingum.   

- Lesið úr einföldum tölulegum og myndrænum upplýsingum og túlkað þær.

- Valið bók eða annað lesefni og lesið sér til ánægju.

Nemendur eru kynntir fyrir ýmsum tegundum bókmennta þar sem reynir á hlustun, lesskilning, ritun og orðaforða.

Yndislestur á morgnana þar sem nemendur velja sér lesefni eftir áhuga. Kennari les reglulega fyrir hópinn.

Námsmat felst í símati þar sem verkefni eru unnin reglulega og kannanir lagðar fyrir.

Daglegur lestur heima og einu sinni til tvisvar í skóla.

Lesfimipróf er lagt fyrir þrisvar sinnum á skólaárinu og Orðarún tvisvar sinnum, haust og vor.  Skimunarprófið LOGOS er lagt fyrir 6. bekk að hausti.

Ritun

Nemandi geti: 

- Skrifað læsilega og af öryggi með persónulegri rithönd, beitt algengum aðgerðum í ritvinnslu, gengið frá texta og notað orðabækur.

- Valið textategund, skipulagt og orðað texta, svo sem sögur, frásagnir, lýsingar og fyrirmæli, á þann hátt sem hæfir tilefni.

- Samið texta þar sem beitt er eigin sköpun, notið þess að tjá hugmyndir sínar og reynslu og veitt öðrum hlutdeild með því að kynna ritunina eða leyfa öðrum að lesa.

- Beitt helstu atriðum stafsetningar og greinarmerkjasetningar og hefur náð valdi á þeim.

- Skrifað og leyft öðrum að njóta þess með upplestri höfundar eða lestri lesanda.

Ýmis konar ritunarverkefni unnin. Farið í helstu stafsetningarreglur og unnið með þær.

Námsmat felst í símati. Sögugerð og ritunarverkefni þar sem hver vinnur á sínum hraða. Mat er lagt á vinnubrögð og ástundun. Reglulegar kannanir í stafsetningu. Þjálfun í skriftarbókum bæði heima og í skóla.

Málfræði

Nemandi geti: 

- Gert sér nokkra grein fyrir eigin máli og hefur skilning á gildi þess að bæta það.

- Áttað sig á hvernig orðaforðinn skiptist í sagnorð, fallorð og óbeygjanleg orð og greint hlutverk og helstu einkenni þeirra.

- Gert sér grein fyrir notagildi íslenskrar málfræði, m.a. við ritun og stafsetningu.

Unnið er með helstu orðflokka, samheiti og andheiti.

Námsmat felst í símati þar sem reglulegar kannanir eru lagðar fyrir.