Kennsluáætlun í heimilisfræði, 1. - 4. bekkur

Kennsluáætlun

 

Bekkur: 1. - 4. bekkur

Námsgrein: Heimilisfræði

Kennari: Auður Hermannsdóttir       

Tímafjöldi: 1 klst á viku í eina önn. (Hópnum er skipt í tvennt og skiptist skólaárið milli smíði og heimilisfræði)

 

Námsgögn: Heimilisfræði 2 og 3 eftir Jóhönnu Höskuldsdóttur og Ólöfu Jónsdóttur. Ýmis verkefni og uppskriftir frá kennara.

 

Lykilhæfni: Námsgreinin kemur inn á eftirfarandi þætti samkvæmt aðalnámskrá grunnskóla: 

×        Tjáning og miðlun  

×        Skapandi og gagnrýnin hugsun

×        Sjálfstæði og samvinnu 

×        Nýting miðla og upplýsinga

×        Ábyrgð og mat á eigin námi.

 

Grunnþættir: Samkvæmt aðalnámskrá grunnskóla eru grunnþættir menntunar sex: Læsi – Sjálfbærni – Lýðræði og mannréttindi – Jafnrétti – Heilbrigði og velferð – Sköpun. Í námsgreininni er unnið með alla þessa þætti þó mismikið sé eftir árgöngum.

 

 

Námsþættir 

Hæfniviðmið

Kennsluhættir

Námsmat

Matur og lífshættir

- Að nemendur læri að tjá sig á einfaldan hátt um heilbrigða lífshætti.

- Geti valið hollan mat og útskýrt áhrif hans á líkama og líðan.

- Geti farið eftir einföldum leiðbeiningum um hreinlæti og þrif.

Kennsluhættir í heimilisfræði eru að mestu í formi sýnikennslu og verklegra æfinga. Nemendur læra að vinna bæði sjálfstætt og í hóp. Unnin eru bókleg verkefni samhliða verklegri kennslu auk sífelldrar umræðu um hugtök og heiti sem tengjast viðfangsefninu hverju sinni.

Námsmat er símat þar sem ástundun nemenda er skráð eftir hverja kennslustund. Þar er farið eftir því hversu vel nemendur fylgja fyrirmælum, vinna með öðrum, sýni sjálfstæði í vinnubrögðum og taki virkan þátt í kennslustundum.

Áherslan er á að meta ferlið en ekki eingöngu afurðina.

Leiðsagnarmat er viðhaft yfir árið þar sem nemendur fá munnlega leiðsögn um stöðu sína. Hvað sé gott og hvað sé hægt að bæta.

 

Matur og vinnubrögð

- Að nemendur geti útbúið með aðstoð einfaldar og hollar máltíðir.

- Geti farið eftir einföldum uppskriftum og notað til þess einföld mæli- og eldhúsáhöld.

- Geti sagt frá helstu hættum sem fylgja vinnu í eldhúsi.

Matur og umhverfi

- Að nemendur geti sett viðfangsefni heimilisfræðinnar í einfalt samhengi við sjálfbærni.

- Geti skilið einfaldar umbúðamerkingar.

Matur og menning

Nemendur geti tjáð sig á einfaldan hátt um jákvæð samskipti við borðhald, helstu hátíðir íslendinga, siði sem þeim fylgja og þjóðlegan mat.