Námsáætlun í stærðfræði fyrir unglingastig

Námsþættir:

Hæfniviðmið. Fyrir lok 10.bekkjar á nemandi að geta:

Vinnulag stærðfræðinnar

Velur og nýtir ólík hjálpargögn og verkfæri til stærðfræðilegrar iðkunar, þ.m.t. tölvutækni og gervigreind.

Þróar, útskýrir og rökstyður hentugar aðferðir sem byggja á eigin skilningi við reikning með ræðum tölum.

Vinnur skipulega, einstaklingslega og í samvinnu, að því að rannsaka, setja fram, greina, túlka og meta stærðfræðileg viðfangsefni og líkön.

Tjáir sig og spyr spurninga um stærðfræðileg viðfangsefni, útskýrir og rökstyður lausnir sínar fyrir öðrum.

Setur fram, túlkar og metur einföld stærðfræðileg rök og sannanir.

Undirbýr og flytur kynningar og skrifar texta um eigin vinnu með stærðfræði.

Notar hugtök og táknmál stærðfræðinnar til að setja fram, tákna og leysa hversdagsleg og fræðileg verkefni.

Nýtir fjölbreyttar reikniaðgerðir og stærðfræðilegt samhengi til að leysa þrautir og rökstyðja svör sín.

Tölur og reikningur

Útskýrir eiginleika talnamengja náttúrulegra talna, heilla talna, ræðra talna og rauntala.

Reiknar með rauntölum og nýtir sér tengsl og samhengi reikniaðgerðanna við útreikninga.

Reiknar með veldum og ferningsrótum í einföldum tilvikum.

Nýtir sér námundun með viðeigandi nákvæmni í útreikningum.

Útskýrir sambandið á milli almennra brota, tugabrota og prósenta og beitir þeim við rauntengd viðfangsefni.

Notar tugakerfisrithátt og sýnir skilning á sætiskerfi við ritun staðalsforms tölu.

Nýtir sér samhengi og tengsl reikniaðgerðanna og þekkingu sína í talnafræði við útreikninga.

Algebra

Vinnur með talnarunur og mynstur á skipulegan hátt og lýsir þeim með táknmáli algebrunnar.

Einfaldar algebrustæður og leysir jöfnur með einni óþekktri stærð.

Finnur skurðpunkta við ása og útskýrir tengsl við þáttun og staðalform fyrir fyrsta og annars stigs margliður.

Túlkar gröf beinna lína í hnitakerfi í rauntengdu samhengi, teiknar þau á blað og stafrænt og notar teikningarnar til að leysa jöfnur.

Setur fram jöfnur og ójöfnur út frá gefnum forsendum og túlkar merkingu lausnar sinnar við raunverulegt samhengi.

Vinnur með fallahugtakið á mismunandi formi og við mismunandi aðstæður, bæði á blaði og með stafrænum verkefnum.

Leysir saman jöfnur með fleiri en einni óþekktri stærð.

Tölfræði og líkindi

Notar tölfræðihugtök til að setja fram, lýsa, skýra og túlka gögn.

Framkvæmir tilraunir þar sem líkur og tilviljanir koma við sögu og túlkar niðurstöður sínar.

Skipuleggur og framkvæmir tölfræðikannanir og dregur ályktanir af þeim.

Notar hugtök í líkindareikningi, eins og skilyrtar líkur og óháða atburði og notar einfaldar talningar til að reikna og túlka líkur á atburðum.

Les, skilur og leggur mat á tölfræðilegar upplýsingar sem settar eru fram opinberlega.

Rúmfræði og mælingar

Notar hugtök og aðferðir rúmfræðinnar til að lýsa eiginleikum fræðilegra fyrirbrigða.

Beitir brotum úr tímaeiningum og reiknar á milli tímabelta.

Mælir stærðir á þrívíðum formum, áætlar og reiknar rúmmál og yfirborðsflatarmál og skilur tengsl við tvívíð form, samhverfu og snúningsmiðju.

Nýtir rúmfræðiforrit til að gera teikningar, rannsaka rúmfræðilega eiginleika og setja fram rök.

Útskýrir tengsl mælieininga metrakerfis og túlkar miðað við önnur kerfi.

Teiknar skýringarmyndir og vinnur með teikningar annarra út frá gefnum forsendum, t.d. um mælikvarða, einslögun og hlutföll, rannsakað og lýst sambandi milli teikingar og hlutar.

Beitir þekktum eiginleikum lína, þríhyrninga og annarra marghyrninga til að reikna hliðarlengdir og horn, reiknar og útskýrir tengsl milli grundvallareiginleika hrings, útskýrir og beitir reglu Pýþagórasar.