Námsáætlun í íslensku fyrir 5. - 7. bekk.

Námsáætlun

 

Bekkur: 5. - 7. bekkur

Námsgrein: Íslenska

Kennari: Anna Margrét Birgisdóttir

Tímafjöldi: 9 kennslustundir á viku.

 

Námsgögn: Málrækt 2,  Mál í mótun, Brennd á báli, Smellur, lestrarbækur við hæfi hvers og eins, ýmis lesskilningsverkefni og annað efni frá kennara. Skriftarbækur frá MMS og Góður, betri, bestur.

 

Lykilhæfni: Námsgreinin kemur inn á eftirfarandi þætti samkvæmt aðalnámskrá grunnskóla: 

  • Tjáning og miðlun.  

  • Skapandi og gagnrýnin hugsun. 

  • Sjálfstæði og samvinnu.  

  • Nýting miðla og upplýsinga.  

  • Ábyrgð og mat á eigin námi.

 

Grunnþættir: Samkvæmt aðalnámskrá grunnskóla eru grunnþættir menntunar sex: Læsi – Sjálfbærni – Lýðræði og mannréttindi – Jafnrétti – Heilbrigði og velferð – Sköpun. Í námsgreininni er unnið með alla þessa þætti.

Námsþættir  

Hæfniviðmið

Kennsluhættir

Námsmat

Talað mál, hlustun og áhorf

Við lok 7. bekkjar getur nemandi: 

- flutt mál sitt skýrt og áheyrilega og gert sér grein fyrir undirstöðuatriðum góðrar framsagnar.

- gert grein fyrir þekkingu sinni og reynslu og tjáð hugmyndir sínar og skoðanir frammi fyrir hópi.

- hlustað og horft af athygli á fjölbreytt efni, beitt þekkingu sinni og reynslu til að skilja það og greint frá aðalatriðum.

- nýtt sér myndefni og stafrænt efni á gagnrýninn hátt og greint frá aðalatriðum þess.

Nemendur fá þjálfun í upplestri á margvíslegum texta og eru hvattir til að sýna virðingu í samskiptum.

Námsmat felst í símati. Framkoma og tjáning metin. Fulltrúi skólans tekur þátt í Stóru upplestrarkeppninni í 7. bekk að vori.

Lestur og lesskilningur

Við lok 7. bekkjar getur nemandi:

- lesið texta við hæfi á nákvæman og sjálfvirkan hátt og með tjáningu sem sýnir skilning á tilgangi og merkingu texta.

 - beitt lestraraðferðum sem hæfa tilgangi og viðfangsefni hverju sinni. 

- beitt fjölbreyttum orðaforða og fyrri þekkingu til að mynda samhengi og skilning í lestri og notað aðferðir til að ráða í merkingu ókunnra orða og orðasambanda.

- skilið, fjallað um og dregið saman efni ólíkra texta, dregið ályktanir af efninu, greint og lagt mat á merkingu þeirra og tilgang á gagnrýninn hátt. 

- valið og lesið sér til gagns og ánægju fjölbreytta texta og miðlað áhuga sínum og skoðunum til annarra.  

Unnið er með lesskilning einu sinni í viku. Daglegur lestur heima og þrisvar til fjórum sinnum í skóla. Nemendur velja sér lesefni til yndislestrar eftir áhuga. Kennari les reglulega fyrir hópinn.

Lesfimipróf er lagt fyrir þrisvar sinnum á skólaárinu og Orðarún tvisvar sinnum, haust og vor.  Hraðlestrarpróf er lagt fyrir þrisvar sinnum á skólaárinu.

Skimunarprófið LOGOS er lagt fyrir 6. bekk að hausti.

Bókmenntir

Við lok 7. bekkjar getur nemandi:

- lesið ýmsar bókmenntir og unnið með efni þeirra á fjölbreyttan hátt.

- beitt nokkrum grunnhugtökum í bókmenntafræði við umfjöllun um fjölbreyttar bókmenntir.

- lesið einfalda texta frá fyrri tímum og áttað sig á því að þeir mótist af sögulegu samhengi.

- notað einföld bókmenntahugtök í umræðu og vinnu með innihald og einkenni ljóða frá ólíkum tímum.

Nemendur eru kynntir fyrir ýmsum tegundum bókmennta þar sem reynir á hlustun, lesskilning, ritun og orðaforða.

Námsmat felst í símati þar sem verkefni eru unnin reglulega og kannanir lagðar fyrir.

Ritun

Við lok 7. bekkjar getur nemandi:

- miðlað texta í gegnum sjálfvirka og læsilega skrift og fyrirhafnarlausan innslátt á lyklaborð og gengið frá texta samkvæmt fyrirmælum.

- skrifað texta þar sem málsgreinar eru fjölbreyttar og texta er skipt upp í efnisgreinar.

- skipulagt og orðað texta á þann hátt sem hæfir tilefni, viðtakendum og birtingarformi.

- tjáð hugmyndir sínar, reynslu og sköpun í texta, metið, mótað og endurskrifað með hliðsjón af hjálpargögnum.

- beitt algengum atriðum stafsetningar og greinarmerkjasetningar og notað tiltæk hjálpargögn við hæfi.

Ýmis konar ritunarverkefni unnin. Farið í helstu stafsetningarreglur og unnið með þær.

Námsmat felst í símati. Sögugerð og ritunarverkefni þar sem hver vinnur á sínum hraða. Mat er lagt á vinnubrögð og ástundun. Reglulegar kannanir í stafsetningu. Þjálfun í skriftarbókum bæði heima og í skóla.

Mál og málnotkun

Við lok 7. bekkjar getur nemandi: 

- beitt málfræðiþekkingu sinni í umræðu um ýmis einkenni málsins og málnotkun sína.

- beitt málfræðiþekkingu sinni í umræðu um ýmis einkenni málsins og málnotkun sína. 

- notað góðan orðaforða í ræðu og riti og nýtt sér fjölbreytt málsnið við orðmyndun, tal og ritun.

- nýtt orðaforða sinn til að skapa ný orð og orðasambönd og notað þau í texta.

- áttað sig á hvernig orðaforðinn skiptist í sagnorð, fallorð og óbeygjanleg orð og greint hlutverk og helstu einkenni þeirra.

- notað algeng hjálpargögn og málshætti í töluðu máli og rituðu og greint notagildi þeirra í texta.

- nýtt sér kunnáttu og færni til að fletta upp orðum í orðabókum og öðrum gagnabrunnum um tungumál.

Unnið er með helstu orðflokka, samheiti og andheiti.

Námsmat felst í símati þar sem reglulegar kannanir eru lagðar fyrir.