Námsáætlun í dönsku fyrir 8. og 9. bekk

 

Námsáætlun

 

Bekkur: 8. - 9. bekkur

Námsgrein: Danska

Kennari: Auður Hermannsdóttir          

Tímafjöldi:  80 mínútur á viku.

Námsgögn: TAK lesbók og TAK verkefnabók A og B. Einnig ýmis önnur verkefni frá kennara auk léttlestrabóka og verkefnum tengdum þeim.

 

Lykilhæfni: Námsgreinin kemur inn á eftirfarandi þætti samkvæmt aðalnámskrá grunnskóla: 

×        Tjáning og miðlun  

×        Skapandi og gagnrýnin hugsun

×        Sjálfstæði og samvinnu 

×        Nýting miðla og upplýsinga

×        Ábyrgð og mat á eigin námi.

 

Grunnþættir: Samkvæmt aðalnámskrá grunnskóla eru grunnþættir menntunar sex: Læsi – Sjálfbærni – Lýðræði og mannréttindi – Jafnrétti – Heilbrigði og velferð – Sköpun. Í námsgreininni er unnið með alla þessa þætti þó mismikið sé eftir árgöngum. 

 

Kennsluhættir:
Kennsla í dönsku byggist á viðfangsefnum sem skipt er í flokka samkvæmt kennslubókinni. Nemendur vinna fjölbreytt verkefni sem tengjast hverju viðfangsefni. Unnið er þannig að allir nemendur fylgjast að og eru á sama stað í náminu, sem gerir þeim kleift að vinna saman, taka þátt í samtalsæfingum og ýmsum talæfingum tengdum efninu. Auk þess vinna nemendur einnig einstaklingsverkefni sem styrkja færni þeirra og sjálfstæð vinnubrögð.

Námsmat:
Lagt er upp með símat yfir önnina, þar sem metin er verkefnavinna og þátttaka nemenda í kennslustundum. Að auki eru lagðar fyrir kannanir sem ná yfir alla þætti námsins, að lágmarki í lok hvorrar annar, til að kanna námsstöðu nemenda og framfarir. Auk þess eru hæfniviðmið aðalnámsskrár sem eru hér fyrir neðan höfð að leiðarljósi við allt námsmat.

 

Námsþættir 

Hæfniviðmið

Hlustun og áhorf

Við lok 2. stigs getur nemandi:

×        skilið talað mál og frásagnir um efni tengt námi hans og daglegu lífi, brugðist við þeim og nýtt sér í námi sínu,

×        fylgt þræði í efni við hæfi á margvíslegum miðlum og nýtt í námi sínu,

×        hlustað eftir aðalatriðum, greint þau og nýtt sér í námi sínu.

Lestur og lesskilningur

Við lok 2. stigs getur nemandi:

×        fundið lykilupplýsingar í texta og nýtt sér í verkefnavinnu,

×        skilið megininntak rauntexta og unnið úr efni þeirra,

×        lesið sér til gagns og ánægju einfaldar smásögur og skáldsögur og unnið með efni þeirra,

×        lesið og skilið auðlesið efni og hugtök tengt öðrum námsgreinum,

×        lesið og skilið texta við hæfi sem innihalda algengan orðaforða.

Samskipti

Við lok 2. stigs getur nemandi:

×        tekið þátt í óformlegu samtali um áhugamál sín og daglegt líf,

×        bjargað sér við algengar aðstæður og notað almennar kurteisis- og samskiptavenjur,

×        notað málið til samskipta í kennslustundum og undirbúið, tekið og veitt viðtal.

Frásögn

Við lok 2. stigs getur nemandi:

×        tjáð sig um reynslu sína og skoðanir og brugðist við einföldum spurningum,

×        undirbúið og flutt frásögn eða kynningu og brugðist við einföldum spurningum,

×        flutt tilbúið eða frumsamið efni, einn eða í félagi við aðra,

×        beitt málinu með nokkuð eðlilegum framburði og áherslum.

Ritun

Við lok 2. stigs getur nemandi:

×        skrifað texta af mismunandi gerðum með inntak og lesanda í huga,

×        beitt grunnreglum málfræði og stafsetningar nokkuð rétt og skapað samhengi í texta,

×        skrifað einfalda texta um það sem hann hefur lesið, séð eða heyrt,

×        lýst atburðarás eða reynslu með orðaforða sem unnið hefur verið með,

×        samið einfalda texta þar sem ímyndunaraflið fær að njóta sín.

 

Menningarlæsi

Við lok 2. stigs getur nemandi:

×        sýnt að hann þekkir til ýmissa þátta sem einkenna menningu og daglegt líf,

×        sett sig í spor fólks á viðkomandi málsvæði og gert sér grein fyrir hvað er líkt eða ólíkt með hans eigin aðstæðum,

×        sýnt að hann áttar sig á skyldleika erlenda málsins við íslensku, eigið móðurmál eða önnur tungumál sem hann er að læra.